DSA giestablisar sa Barangay Indahag

HINGPIT nang maproteksyonan ug mahilayo  sa aso sa sigarilyo ang katawhan sa Barangay Indahag. Kini human ang konseho sa sesyon niadtong Lunes nga gidumala ni Bise Mayor Bebot Rodriguez misagop sa resolusyon nga nag-aprobar sa ordinansa sa maong barangay nga nag-establisar og designated smoking area sa ilang dapit ug naghan-ay og giya alang sa implementasyon niini.

Sumala sa barangay nga  ang pagpataka og panigarilyo sa publikong lugar naghatag og dautang epekto sa panglawas labina sa kabataan, katigulangan, ug ingon man sa mga mabdos.

Ang resolusyon nga gisagop sa konseho alang sa maong katuyoan gipaluyohan sa komite sa barangay affairs ni Konsehal Marlo Tabac ug komite sa pamalaod ug reglamento ubos ni Konsehal Edgar Cabanlas. (JRG/SP)