DRRM-Health Plan aprobado sa konseho

SUPORTADO ni Konsehal Paolo Gaane, chairman sa komite sa climate change adaptation & mitigation and disaster risk reduction ang Disaster Risk Reduction Management in Health (DRRM-H) Plan sa dakbayan.

Kini human ang konseho sa syudad hiniusang misagop sa Resolusyon No. 15531-2025 nga nagsagop sa Disaster Risk Reduction Management in Health Plan sa Cagayan de Oro City, subay sa Resolution No. 003-2024 sa City Disaster Risk Reduction and Management Council (CDRRMC).

Matod sa konsehal nga importante kaayo kini aron maandam ang syudad sa mga katalagman sa paghatud sa mga importanteng serbisyo sa panglawas panahon sa emerhensya ug kalamidad.

Ang maong plano nagtutok usab sa serbisyong medikal, nutrisyon, tubig, sanitasyon, kahinlo,  pagpanalipod ug pagpalambo sa katungod sa kahimsog sa katawhan, lakip na ang psycho-social support. (RNQ/SP)