Diskwento sa taga-Indahag sa mga turismo, leisure establishment, giuyonan sa Konseho

MAHIMO nang makapahimulos sa diskweto ang mga residente sa Indahag ning syudad sa ilang pagsulod sa mga tourism, leisure ug recreational establishments nga nahimutang sa ilang barangay.

Kini human giuyonan sa Konseho sa sesyon niadtong Lunes nga gidumala ni Bise Mayor Bebot Rodriguez ang ordinansa sa maong barangay nga nagmando sa tanang sa mga establisamento paghatag og diswkento sa mga molupyo sa ilang dapit.

Sumala sa barangay nga ilang giila ang dakong kontribusyon sa katawhan sa ilang  sa nakab-ot nga kalamboan ug sa paglahotay sa industriya sa leisure and tourism sa ilang dapit.

Ila usab gipasabot nga makatarunganon lang nga tanyagan sa insentibo ang mga residente pinaagi sa paghatag diskwento aron usab kini makatabang sa pagpromote ug makiglambigit sa ekonomiya sa lokal nga turismo.

Niini, ang konseho nagpalabang og resolusyon alang sa maong katuyoan nga gipaluyohan sa komite sa barangay affairs ni Konsehal Marlo Tabac ug komite sa pamalaod ug reglamento ubos ni Konsehal Edgar Cabanlas. (JRG/SP)