Data turnover agreement sa CBMS giuyonan sa Konseho

GIAPROBAHAN SA konseho sa dakbayan atol sa sesyon niadtong Lunes nga gidumala ni Bise Mayor Bebot Rodriguez ang ordinansa nga naghatag katungod ni Mayor Rolando Uy pagpirma sa Data Turnover Agreement tali sa Philippine Statistics Authority (PSA) nga girepresentahan ni Undersecretary ug National Statistician and Civil Registrar General Claire Dennis Mapa.

Kini may kalabotan sa  ilang pagturn-over sa official 2024 Community-Based Monitoring System (CBMS) pinaagi sa electronic format.

Tumong  sa maong kasabotan nga masiguro ang tukma nga data sharing and management.

Sumala pa nga ang CBMS data magsilbi isip basihanan alang sa lokal nga pagplano, pagpanday sa mga palisiya ug pag-implementar sa mga programa labina ang pagtumbok sa profile sa kapobrehon ug paghikay sa mga social intervention. (JRG/SP)