Dahino nanawagan sa responsableng paggamit sa public spaces

ATOL sa ika-8 nga sesyon sa konseho sa dakbayan, gi-suportahan ni Konsehal Desiree Dahino ang sugyot ni Konsehal Yvy Emano sa pagpalapad sa pet-friendly spaces sa siyudad.

Isip usa ka pet owner, giila ni Konsehal Dahino ang kahinungdanon sa maong sugyot. Apan iyang gi-pahimangno  ang mga pet owners sa ilang responsibilidad human na-viral ang usa ka post sa social media nga nagpakita sa pipila ka pet owners nga naglimpyo sa ilang mga iro sa baby washing area. Kini nakahatag og kabalaka sa mga ginikanan ug sa publiko bahin sa kalimpyo ug kaluwasan sa mga bata.

Gipaabot usab ni Konsehal Dahino ang pahimangno sa mga “fur parents” nga ang mga pasilidad nga para sa mga bata ug toddlers kinahanglan gamiton alang sa maong katuyoan. Iyang gi-awhag ang pagbutang og klaro nga guidelines, husto nga signages, ug mas istriktong pagdumala aron magpabilin nga luwas ug limpyo ang maong mga lugar. (SPE/SP)