Dahino mipasalamat sa kababaihan sa CDO pagduyog sa kasaulogan sa women’s month

HUGOT nga gidayeg ug gipasalamatan ni Konsehal Edna Dahino, chairman sa komite sa Women and Family Relations, ang kababaihan sa syudad sa pagduyog ug pagsuporta sa pagsaulog sa Women’s Month Celebration ning bulan sa Marso.

Sa iyang mensahe atubangan sa kababaehan diha sa Barangay Mambuaya atol sa pagtak-op sa kasaulogan sa Women’s Month, ang konsehal mibutyag sa dakong papel sa kababaihan sa kalamboan sa komunidad ug kamahinungdanon sa pagbuhat sa insaktong pagpili nga magdala sa kalampusan sa ilang kinabuhi .

Nanghinaot si Konsehal Dahino nga magpadayon ang panaghiusa sa kababaehan sa syudad dala ang paglaum nga makab-ot sa matag usa ang gipangandoy nga matang sa kinabuhi.