top of page

Dahino malipayon sa naangkong kaarangan sa kinabuhi sa kababayen-an

“DAGHAN ang mabuhat sa kababayen-an nga mas labaw pa sa mga kalalakihan.”

Mao kini ang giluwatan ni konsehal Edna Dahino, chairman sa komite sa women and family relations, atol sa gipahigayong programa pagsaulog sa International Women’s Day kagahapong adlawa.


Matod niya nga sa kasaysayan sa kalibotan louy kaayo ang kababayen-an kay kini wala nahatagan sa tukmang katungod dinha sa decision-making ug taman ra sa pag-atiman sa kabataan sa panimamalay.


Gani, sa panarbaho mas gamay og sweldo ang mga babaye kaysa mga lalaki ug dili usab paminawon ang ilang mga tingog.


Niini, siya mipasalamat sa United Nations sa pag-ila sa presensya sa kababayen-an sa usa ka komunidad ug diha nakita ang Gender Equality. Namugna usab ang Magna Carta for Women diin naghatag og pribilihiyo ug dugang benefisyo ingon man katungod sa kababayen-an dili lang sa lokal kun dili sa national level.


Iyang gipasabot nga ang napalabang nga mga balaod isip chairman sa komite sa women & family relations, gitinguha nga mapaarang ang kinabuhi sa matag babaye. Lakip na niini ang pagmugna sa 80 ka VAWC desks ug Anti Child Trafficking.


Alayon niini, gidasig ni Dahino ang kababayen-an sa pag-ila sa ilang tawhanong katungod ug kini magsugod sa atong tagsa tagsa ka kaugalingon. (SP/APDelgra)

Comentarios


bottom of page