Daba nag-aghat sa mga bag-ong iskolar sa CDO pagtambong sa webinar sa Okt 8

SI Konsehal Suzette Magtajas-Daba, chairman sa komite sa edukasyon, kusganong nanawagan sa tanang mga bag-ong iskolar sa dakbayan (IsDa) pagtambong sa ikaduhang serye sa “Magnify: Discovering Excellence in the New Normal” sa umaabot Sabado, Oktubre 8, 2022.

Ang serye nga himuon online adunay duha ka hisgutanan nga naglangkob sa mga pamaagi sa pag-atiman sa kaugalingon gawas sa academics ug usab mga pamaagi pagpalambo sa social skills.

Ang konsehal miaghat sa mga iskolar nga seryosohon ang webinar kay sigurado nga daghan ang makat-onan nga mamahimong kahimanan sa pag-atubang sa mga hagit sa kinabuhing kolehiyo ug makahatag sa dakong tabang sa pagpalig-on sa tagsa tagsa ka kaugalingon.

Niini, nanghinaut si Konsehal Suzette nga nakaparehistro na ang mga bag-ong iskolar ug dili mopakyas sa pagtambong sa kalihokan online pinaagi sa zoom ug CDO City Scholarship Office facebook live sa ala una hangtud alas 4 sa hapon.