Daba motuki sa sugyot pagmugna of CDO State U


MAGTIGOM karong alas 2 sa hapon dinha sa hawanan sa konseho ang komite sa edukasyon ni Konsehal Suzette Magtajas-Daba.

Tipik sa hisgotan mao ang gisumeteng sugyot ordinansa ni Konsehal Aga Suan nga naglatid alang sa pagmugna og state university sa dakbayan, pagtukod sa Pamantasan ng Cagayan de Oro ingon man omento sa gidaghanaon sa mga iskolar sa dakbayan.

Si Suan mipasabot nga tinguha sa iyang gidusong mga sugyot balaodnon mao ang pagpalapad sa mga benepisyo alang sa mga kabus nga tinun-an sa syudad nga adunay mga malantip nga salabotan apan walay kapasidad ang mga ginikanan nga makapatungha sa ilang mga anak.

Niini, gidapit ni Daba nga motambong sa tigom aron makahatag sa ilang panahom ug opinyon sila si Konsehal Aga Suan, City Administrator Atty. Hilario Raagas, City Legal Officer Atty. Kenneth Tamala, City Treasurer Jasmin Maagad, City Budget Officer Atty. Percy Salazar, City Accountant Atty. Beda Joy Elot, Focal Person for Education Dr. Alicia Anghay, CHED Director Dr. Freddie Bernal, CDO-TVI School Administrator Maria Victoria Trinidad, Acting CSWD Officer Anecia Tongson ug City Scholarships Office Head Richel Dahay.