Daba motuki sa sugyot contract of affiliation talis CDO, PWA–Misamis

GIPAABOT tukion sa komite sa edukasyon ni Konsehal Suzette Magtajas-Daba ang hangyo sa mayor nga mahatagan og katungod pagrepresentar sa dakbayan sa Cagayan de Oro dinha sa pagpirma sa Contract of Affiliation tali sa Professional World Academy –Misamis.

Kini maglangkob sa sugyot nga mopailalom og internship training sa JR Borja General Hospital ang mga tinun-an sa 6-month health care services course.

Ang panagtambayayong gilauman nga mag-develop sa kahanas sa mga tinun-an sa maong pribadong institusyon pinaagi sa pag-angkon sa aktwal nga kasinatian sa lain laing clinical areas sa tinguha nga makamugna og mga competitive health care service provider.