top of page

Daba misuporta paghire og dugang daycare teachers

HUGOT nga gisuportahan ni Konsehal Suzette Magtajas-Daba, Chairman sa Komite sa Edukasyon, ang lakang sa paghire og dugang  Early Childhood Care and Development Teacher (ECCDT) sa matag barangay.


Kini  ang unod sa  reaksyon  sa konsehal atol sa sesyon niadtong  Lunes nga gidumala ni Bise Mayor Bebot Rodriguez  sa taho ni Konsehal Girlie Balaba kabahin sa kamahinungdanon  sa early childhood education.


Councilor Suzette Magtajas-Daba

Matod ni Daba nga kada tuig adunay gahimoong pagpalig-on sa mga child development teacher (CDT) sa kada barangay sa tinguha nga  dili masayang ang  ilang  mga trainings nga gipahigayon  sa buhatan sa City Social Welfare and Development (CSWD).


Mipasabot ang Konsehal nga gikinahanglan  magmugna og Technical Working Group (TWG) alang sa maong katuyoan aron nga malikayan  nga mapolitika ang paghire og CDT nga irekomendar diha sa  kabaranggayan.


Niini, naglaum si Konsehal Daba nga mahatagan og tukmang rekomendasyon ang maong lakang diha sa hiniusang Komite sa Edukasyon, Barangay Affairs ug Social Services.

Comments


bottom of page