Daba mipasalamat sa tanang misalmot sa rhythmic dance competition

Si Konsehal Suzette Magtajas-Daba, co-chair sa Rhythmic Dance Competition, kinasingkasing nga mipasalamat sa tanang misalmot sa gipahigayong Rhythmic Dance Competition 2023 niadtong Agosto 25, 2023 diha sa Misamis Oriental Integrated Sports Complex.

Kini usa sa mga kalihokan nga gihan-ay pahaum sa kasaulogan sa Higalaay Festival 2023. Ang kompetisyon gisalmotan sa nagkadaiyang pundok gikan sa pampublikong elementarya sa dakbayan.

Niini, gipahalipayan ni Konsehal Suzette ang tanang mananaug nga nakadawat sa ganting salapi ug tropeo.

Nahimong kampeon sa indigay ang Macabalan Elementary School nga nakadawat og P75mil samtang ang East City Central School maoy migulang 1st Runner up ug nakadawat sa ganting P60mil, ug South City Central School isip 2nd Runner up ug nakadawat sa P50mil nga premyo.

Mipasalamat ang Konsehal sa tanang misalmot ug mi-abag aron magmalampuson ang kalihokan.

Ang pagpahigayon sa kalihokan gitambongan nila Konsehal Jay Roa-Pascual, Edgar Cabanlas, Girlie Balaba, Malou Gaane, Imee Moreno ug Yan Lam Lim, uban nila ni Acting City Tourism Officer Rico Libre, City Schools Division Superintendent Dr. Roy Angelo E. Gazo, ug LGU Coordinator for the Rhythmic Dance Competition Dr. Alicia Anghay.