Daba mipahinumduman sa katawhan sa padayong pagtamod sa health protocols

PADAYONG mipahinumdum si Konsehal Reuben Daba, chairman sa komite sa Ethics, nga taliwala nga anaa na sa Alert Level 1 ang kategorya sa syudad kinahanglan nga magpabilin ang tanan nga mag-amping ug padayon nga mosunod sa gisitar nga health protocols.

Kini sa pagsiguro nga dili na mosaka ang kaso sa Covid 19 ug hinayhinay nga mabalik sa normal ang kinabuhi sa mga Kagay-anon.

Gani sa miaging sesyon sa konseho nga gidumala ni Bise Mayor Kikang Uy, si Daba mihangyo nga madugangan pa sa igong panahon nga makapahigayon sa virtual session aron masiguro ang category status sa dakbayan sa Covid-19.