top of page

Daba mipahalipay sa 7 Oro med scholars

SI Konsehal Suzette Magtajas-Daba, Chairman sa Komite sa Edukasyon, mipahalipay sa pito ka mga batan-ong Kagay-anon nga malampusong mi-qualify sa Medical Scholarship Program sa syudad. Kini human nakalampos sa gihimong makuting screening nga gipangunahan sa buhatan sa City Scholarships Office ang mga aplikante.


Lakip sa mga mapalad nga makatungha sa kursong Medicine mao sila si Apple Mae B. Agcopra, John Leonard A. Dampog, Dave Chandler A. Ipulan, Jannah A. Manding, Jose Ignacio S. Taculayan, Joseph Jan S. Tangcalagan ug Faye Megan Wong.

Matod ni Daba nga ang dakbayan lang sa Cagayan de Oro ang bugtong nagtanyag og libreng Law ug Medical Scholarship Program ug ning tuig tingtungha sila ang unang batch nga makapahimulos sa programa.


Niini, dako ang pasalamat sa konsehal kang Mayor Klarex Uy sa pagpalapad sa City Scholarship Program nga diin liboan ka mga Kagay-anong batan-on ang nakapahimulos sa undergraduate programs.

Malaumon si Daba nga unta makalahutay ug makahuman ang pito ka mga medical scholars, magbinuotan ug dili usikan ang talagsaong kahigayonan nga gihatag sa gobyerno.

bottom of page