Daba malaumon makatabang sa kabataan gitrabahong 4-storey bldg sa Puerto Nat’l High

SI Konsehal Suzette Magtajas-Daba, chairman sa komite sa edukasyon, mipahibalo nga padayon ang kagamhanan sa dakbayan pagpalapad sa kampanya alang sa de kalidad nga edukasyon sa kabataan.

Kini human nadawat sa konseho ang taho gikan sa City Engineering Office nga gisugdan na sa pagtrabaho ang proyekto pagtukod og upat ka andanang edifisyo nga adunay 44 ka lawak saringan alang sa Puerto National High School.

Ang proyekto mobalor og P63 milyones kapin nga gipatuman ubos sa 20% Development Fund karong tuiga.

Si Konsehal Suzette mibutyag nga ang maong edipisyo makatabang sa mga magtutudlo ug mga tinun-an nga makabaton sa hapsay ug hayahay mga lawak saringan ilabina sa pagpanumbalik sa face-to-face classes.

Dako ang akong kalipay kay usa ang proyekto naglakip na sa hitsas nga facilidad nga mapahimuslan sa kabataan dinha sa pag-angkon sa de kalidad nga edukasyon dili lamang sa barangay Puerto kun dili lakip na sa kasikbit nga mga dapit, pamahayag ni Konsehal Suzette. (SP/RNQuiblat)