Comprehensive Youth Dev’t Plan saBrgy 18, Taglimao tukion sa komite ni Seno


KONSIDERAHON sa komite sa sports & youth development ni Konsehal John Michael Seno ang gidusong 6-year Comprehensive Barangay Youth Development Plan (CBYDP) alang sa tuig 2020-2025 sa Sangguniang Kabataan (SK) sa Barangay 18 ug Taglimao.

Lakip tun-an sa komite ang Annual Barangay Youth Development Investment Plan (ABYIP) sa maong duha ka barangay.

Nasayran ang maong lakang pinasubay sa RA 10742 kon Sangguniang Kabataan Reform Act of 2015 nga nagtinguhang magahinan sa gikinahanglang pundo ang kabatan-onan kinsa adunay mahinungdanong papel diha sa komunidad.

Matod ni Seno nga sa pakiglambigit sa kabatan-onan sa mga kalihokan sila mamahimong maayong lideres sa umaabot nga mga panahon.

Niini, si Seno gipaabot mopatawag og tigom aronmatuki ang gisumiting CBYDP ug ABYIP sa duha ka barangay ug gidapit pagtambong ang kadagkoan sa mga hintungdang departamento sa City Hall ingon man mga opisyal saduha ka barangay.