top of page

CLENRO, PMT gitugutan sa konseho pag pag-imbentaryo sa mga ponuan sa  kahoy  dihas Plaza Divisoria

65th Regular Session of the 20th City Council on January 15, 2024

MOPAHIGAYON  og  imbentaryo, pag-assess  ug pagtimbang-timbang  ang  City Local Environment and Natural Resources Office (CLENRO) sa aktwal nga kondisyon sa tanang punoan sa kahoy  diha sa Plaza Divisoria nga nahisakop  sa Project Lunhaw


Kini human ang Konseho  sa sesyon niadtong Lunes nga gidumala ni Bise Mayor Bebot Rodriguez mipalabang  og ordinansa nga  naghatag pagtugot  sa maong buhatan  ug sa Protect Management Team of Project: Lunhaw sa pagpahigayon  og imbentaryo, pag-assess  ug pagtimbang-timbang sa aktwal nga kondisyon sa mga punoan kahoy  diha sa Plaza Divisoria nga nahisakop sa maong proyekto.


Plaza Divisoria CDO

Tinguha niini nga masunod ang  mga resikitos  nga gisitar sa  Community Environment and Natural Resources Office (CENRO) aron mahatagan  ang syudad og permit  paghawan  sa mga punoan sa kahoy  nga nahimutang sa maong dapit.


Sa maong ordinansa, gikompirma usab  ang paghatag katungod sa CLENRO ug sa Project Management Team sa Project Lunhaw sa  pag-apply  sa Tree Cutting Permit sa CENRO Initao.(JRGalano/SP/Photos by JRGalano and CDO Bulletin)

bottom of page