top of page

City College  sa dakbayan magbukas na dili madugay

MAGBUKAS na ang  City College sa dakbayan karong school year 2024.


Kini ang gibutyag ni Konsehal Suzette Daba, Chairman sa Komie sa Edukasyon sa konsehal,  atol sa gipahigayong pagpinirmahay sa Memorandum of Agreement (MOA) tali sa kagamhanan sa dakbayan sa Cagayan de Oro ug First Community Cooperative (FICCO) sa milabayng semana.


CdeO CIty Councilor Suzette G. Magtajas-Daba

Matod ni Daba nga magsugod karong Agosto ning tuig ang pagpandawat sa mga enrolees  diha sa Barangay Agusan isip satellite school sa City College.


Sumala pa, kini maka-akomodar og 150 ka tinun-an alang sa day school samtang 150 usab alang sa night school diin makapili sila sa kurso nga libreng gitanyag magdala kanila sa dugang kaugmaran sa kinabuhi.


MOA Signing Ceremony with FICCO

Niini, dako ang kalipay  ni Konsehal Daba sa pagbukas sa maong kolehiyo ug malaumon ang konsehal nga daghang kabatan-onan ang magpahimolos sa mga programa nga giandam sa kagamhanan sa tinguha nga walay kabatan-onan mapihig pagkab-ot sa kaarangan sa kinabuhi.

Commentaires


bottom of page