top of page

Centex ECCD mapatuman sa CDO


Gilantaw’ng mapalapdan pa ang natad sa edukasyon sa kabataan sa napulo ka mga barangay sa dakbayan.

Ang komite sa social services ni Konsehal Girlie Balaba gipaabot nga motuon sa sugyot nga Memorandum of Agreement (MoA) tali sa kagamhanan sa dakbayan ug Ayala Foundation Inc. (AFI) alang sa pagpatuman sa Centex Early Childhood Care and Development (ECCD).

Kini maglangkob sa usa ka tuig nga teacher training and mentoring sa mga day care teachers aron mahitsas sa gikinahanglang kahibalo ang mga magtudlo dinha sa mga daycare centers.

Sa programa, ang dakbayan mogahin og P1.2 milyones alang sa training sa 20 ka mga magtutudlo o’ childcare workers sa napulo ka mga barangay alang sa tuig tingtungha 2023-2024.

Niini, malaumon si Balaba nga kun makompleto ang programa, daghang kabataan ang maabagan dinha sa ilang pagkakat-on samtang linghod pa ang mga panuigon.

bottom of page