top of page

Cebu Landmaster pasiunang motukod sa SHC sa proyekto –Nacaya


Pasiunang tukuron sa Cebu Landmasters ang Socialized Housing Component (SHC) sa ilang subdivision proyekto dinha sa Manresa area ning dakbayan.

Mao kini ang gitaho ni Konsehal Ian Mark Nacaya, majority floor leader, atol sa sesyon sa konseho nga gidumala ni Presiding Officer Protempore Konsehal Edgar Cabanlas.

Matod niya nga gipasalig sa kadagkoan sa Cebu Landmaster nga ila nang unang ipatuman ang 15% horizontal ug 5% vertical SHC sa ilang proyekto dinha sa Manresa.

Niini, ang lokal nga kagamhanan maoy magtumbok sa lugar diin tukuron ang mga tenement buildings isip socialized housing component sa proyekto. Kini nga tenement buildings susama sa mga natukod na sa probinsya ug syudad sa Cebu, sumpay sa konsehal.

Dugang pa, iyang gibutyag nga ang Habitat Philippines mipadayag sa ilang interest nga mopatuman sa proyekto.

Nunot niini, si Nacaya misugyot nga tun-an ang lakang pagdawat sa tanyag sa Cebu Landmasters nga unang ipatuman ang SHC sa proyekto, pagdasig sa CHUDD nga matumbok na ang lugar diin tukuron ang gilaraw nga tenement buildings ug pagpalabang sa ordinansa nga mag-require sa mga subdivision developers nga adunay proyekto dinhi sa dakbayan sa Cagayan de Oro nga dinhi usab ipatuman ang ilang 20% Socialized Housing Component.

Ang maong mga sugyot ni Nacaya gipaabot hisgutan sa komite sa subdivision ni Konsehal Edgar Cabanlas sa atol sa tigom karong adlawa.

Comentários


bottom of page