CBMS kinahanglan hatagan sa prioridad- Konsehal Salcedo

PABOR si Konsehal Enrico Salcedo nga hatagan sa prioridad ug magahinan sa igong pundo ang Community Based Monitoring System (CBMS), usa ka sistema nga ang gimbuhaton mao pagkolekta, pagproseso ug pagvalidate sa gibahin bahin nga mga datus nga mahimong gamiton sa pagplano, pagpatuman sa programa ug pagmatikod diha sa local level samtang gihatagan gahum ang komunidad pagpartisipar sa proseso.

Kini ang reaksyon ni Salcedo sa special report ni Konsehal Joyleen Mercedes Balaba sa sesyon niadtong Lunes nga gidumala ni Bise Mayor Kikang Uy mahitungod sa kamahinungdanon sa maong sistema.

Gipasabot ni Salcedo nga importante kaayo ang maong sistema tungod kay kon sakto ang datus dili gubot ang pag-apod-apod sa Specia Ayuda.

Gidugang sa konsehal nga angayan kini hatagan sa prioridad tungod kay mahinungdanon kini ug magsilbi kining giya sa mga Local Government Units (LGUs) aron nga adunay direction.

I hope ang chairman sa komite sa Finance ug Planning ma-priority kini, pamahayag ni Konsehal Salcedo.