Calizo nangusog matabangan mga IP sa paghan-ay sa ilang customary law

NANGUSOG si  Konsehal Romeo Calizo, chairman sa komite sa public order sa konseho, nga matabangan ang mga IPs nga maplastar o’ mahan-ay ang ilang customary laws.

Kini human si Konsehal Roberto Cabaring   sa sesyon sa konseho niadtong Lunes nga gidumala ni Bise Mayor Bebot Rodriguez nangayog update ug nakisayod  kalabot sa social justice, tribal ug sa ilang sugyot  ordinansa kalabot sa IP fund nga giingong ana-a sa City Social Welfare and Development Department.

Sumala sa konsehal nga dugay na kini nga isyu sa mga lumad ang pagpatuman sa ilang social justice tungod  galisod sila pagsulbad kon adunay pagahusayon kay ang pinakataas lang man nila ang   matuman   nga diin walay konkretong referensya kon unsay sakto ug unsay dili.

Gipasabot ni Calizo nga basin og naka-draft na o aduna ba kaha silay draft sa ilang customary law kay mangayo ang konseho sa kopya niini  aron kini matun-an ug mabasa kay basin aduna silay ikadugang o ikasugyot nga maayo  alang sa maong katuyuan.

Niini, gihangyo ni Calizo nga hatagan sila og kopya sa draft sa ilang customary laws. (JRGalano/SP)