Calizo nangusog masolusyonan ang problema dihas COWD

ULAW kaayo kon ang City Council doesn’t have appropriate action to this.

Kini ang pamahayag ni Konsehal Romeo Calizo, chairman sa komite sa public utilities atol sa sesyon niadtong Lunes human si  Konsehal Edgar Cabanlas mitaho sa  nagpadayong   bangi diha sa  Cagayan de Oro City Water District (COWD).

Sumala ni konsehal Calizo, kinsa maoy  nagdumala sa sesyon,  nga  kinahanglan adunay  maayong rekomendasyon ang konseho kon unsaon pagresolbar  ang  sitwasyon.

Gipasabot ni Calizo nga kon mahitabo  nga  adunay partido nga  mopasakag kaso sa korte, mahimong malangan gayud  ang pagresolbar niini ug kon dili pa madisisyonan susama  ra gihapon ang sitwasyon, hinungdan nga ang papel  sa konseho mao gayod ang pagpadali nga masolusyonan kini nga problema tungod kay kon malangan pa, ang katawhan sa syudad ang  mag-antos.

Malaumon  si Konsehal Calizo  nga pinaagi sa pagpaningkamot  sa konseho ug pagtinabangay  sa tanan, makab-ot  ang  kasulbaran sa maong krisis diha sa COWD. (JRGalano/SP)