Calizo misugyot sa hintungdang departamento pagpresentar og alternatibo sa problema sa tubig

GISUGYOT ni Konsehal Calizo, Chairman sa Komite sa Public Utilities, ang hintungdang departamento sa burukrasya sa City Hall pagpresentar og mga alternatibong pamaagi aron masolusyonan ang  kakulangon sa suplay sa tubig.

Kini ang reaksyon ni Konsehal Romeo Calizo sa special report ni Konsehal Edgar Cabanlas sa sesyon sa Konseho niadtong Lunes nga gidumala ni Bise Mayor Bebot Rodriguez mahitungod sa problema sa tubig nga basin moabot ang panahon  nga dili na  mahimong makasupply  ang Cagayan de Oro Water District.

Mibutyag si Konsehal Calizo nga kon isalig nalang nato ang konsepto sa COWD basin mag-antos ang katawhan sa kakulangon sa supply sa tubig. Gipasabot sa konsehal nga dinhi lang sa dakbayan  nga adunay   natukod nga 250 ka Deepwell  bunga sa  kakulangon sa tubig tungod sa wala matarong nga pagdumala.

“IF we rely on the concept of COWD, the people might suffer the scarcity of water,” dugang pamahag ni Konsehal Calizo.