top of page

Cabanlas motuki sa mulo sa taga-Islacupa, Consolacion


Hatagan og pagtagad sa Komite sa Urban and Rural Poor and Housing Development ni Konsehal Edgar Cabanlas ang sulat hangyo ni Alfredo Naca Rabadan, residente sa Islacupa, Barangay Consolacion.


Kini kabahin sa lote nga iyang giokupahan nga matud pa nabaligya sa pamilyang Pelaez ug napalit sa lokal nga kagamhanan diin nagpabilin sa pag-okupar ang mga kasamtangang nanimuyo.


Gipadangat ni Rabadan ang iyang problema sa komite tungod kay matod pa adunay nakasulod sa iyang lote human mihangyo nga magtukod og gamay nga tindahan ug buot na niyang ipapahawa apan hangtod karon nagmagahi sa paghawa.


Nunot niini, gipaabot tukion sa komite ang maong hangyo ug gitakdang dapiton ang mga hingtungdan opisina sa City Hall aron paghatag sa ilang panahum ug opinyon.

تعليقات


bottom of page