top of page

Cabanlas miawhag og negosasyon kalabot sa demolisyon dihas Lapasan

SI Konsehal Edgar Cabanlas, Chairman sa Komite sa Urban and Rural Poor and Housing Development, nanawagan nga subling malingkoran ug matuki sa opisina sa City Housing and Urban Development Department (CHUDD), Konseho sa Barangay Lapasan ug sheriff sa Branch 20 sa Regional Trial Court (RTC) ang gitakdang demolisyon sa umaabot Marso 18, 2024 dinha sa loteng gipanagiyahan sa Waga Family Corporation.


 Hon. Edgar S. Cabanlas Chairperson Committee on Urban & Rural Poor & Housing Development

Mao kini ang rekomendasyon sa konsehal atol sa tigom sa iyang komite human gituki ang gipakanaug nga orden sa korte alang sa demolisyon sa mga straktura sa dapit.


“Aron mahan-ay ang tanang mga gikinahanlang rekisitos ug matabangan ang mga apektadong pamilya nga makapahimulos sa programa sa gobyerno, maayong mahisgotan sa mga hintungdang ahensya sa gobyerno ang mga pamaagi nga mahatagan sa relokasyon ang mga maapektohan samtang aduna pay igong panahon dinha sa pagpahigayon og socioeconomic survey sa dapit,” pamahayag ni Cabanlas.


Sa maong tigom, si Mila Esenso, usa sa mga molopyo sa dapit, mibutyag nga adunay pipila sa ilang mga kauban ang nahatagan na sa relokasyon sa human naigo sa gipatumang programa sa dakbayan nga Hapsay Sapa ug aduna nalang 16 ka pamilya ang nahabilin.

Comentários


bottom of page