Cabanlas miapod-apod og food packs dihas Macasandig, Agusan


Gatusan ka mga residente sa barangay Macasandig ug Agusan ang natunolan sa food packs ni Konsehal Edgar Cabanlas, chairman sa komite sa urban and rural poor and housing development sa konseho.

Sumala ni Cabanlas nga tungod sa nasinating inflation sa nasud daghan ang apektado ilabina kadtong anaa sa ubos nga hut-ong sa katilingban ug daghan ang gigutom nga katawhan.

Dugang pa sa konsehal nga bisan sa ginagmay nga tabang sa mga kabus tungod kay limitado ang resources nanghinaut siya nga makahupay kini sa ginagmay nga panginahanlan.

Niini, mapasalamaton si Cabanlas sa mga opisyal sa barangay nga miuban kaniya atol sa pag apod-apod sa mga food packs.