Cabanlas miaksyon sa mulo sa taga-Bolao, Iponan

GIHATAGAN sa pagtagad sa komite urban and rural poor and housing development ni Konsehal Edgar Cabanlas ang hangyo sa taga-Bolao sa Barangay Iponan kabahin sa kakulangon sa road right of way sa ilang dapit.

Sa milabayng tigom sa komite, gipadangat ni Cristina Ilisan, representante sa mga nanimuyo sa dapit, ang ilang hangyo nga mahatagan sila sa insaktong agianan nga dili layo ug lisod alang kanilang mga molopyo.

Nunot niini, gitahasan ni Cabanlas ang mga kawani sa City Engineering Office pagpahigayon ug ocular inspection sa dapit ug pagsumite sa taho ug rekomendasyon ngadto sa komite sulod sa duha ka semana.