Bulua Cockpit, Lumbia Sports Arena susihon sa komite sa games

GITAKDANG mopahigayon og ocular inspection ang komite sa games and amusement sa konseho ubos ni Konsehal Roger Abaday diha sa Bulua Cockpit Arena ug Lumbia Octagon Sports Arena.

Kini nunot sa ilang  aplikasyon pagrenew sa ilang prangkisa sa sabongan.

Hinoon, mipasabot ang representante sa maong duha ka sabungan nga hapsay ug walay  mga  nagreklamo nga ilang  nadawat hinungdan  nga kampanti kini nga magpadayon sa  ilang operasyon.

Si Konsehal  Abaday mipasabot nga tungod kay kini renewal man, importante nga ilang  sundon ang tanang  gikinahanglang rekisitos ug giya alang sa maong katuyoan.

Subay niini, giduso  ni Abaday ang aplikasyon ngadto sa City Legal Office alang sa ilang rekomendasyon ug ang pagpahigayon og inspection ingon man pagduso og report ngadto sa komite. (JRG/SP)