top of page

Budget sa Consolacion giaprobahan sa konseho


HINGPIT nang mapatuman sa Barangay Consolacion ang tanang programa ug proyekto nga gipanduhan sa ilang 2021 Annual Budget.

Kini human ang konseho misagop og resolusyon nga nag-uli sa ordinansa sa barangay nga may kalabutan sa ilang AB alang sa implementasyon.

Lakip sa ilang gigahinan ang pagpahabog sa pathways ug drainage, pagsemento sa mga pathways, pagpalambo sa edipisyo sa mga senior citizens, pag-instalar og deep-well, pagtukod og poste , pagpanghinlo sa mga canal ug pagrehabilitar sa ilang barangay hall.

Dugang gipunduhan sa barangay ang pag-instalar og electrical lighting facilities, pag-improbar sa ilang day care center, pagrehabilitar sa 4 ka lawak saringan , pagtukod og material recovery facililty, pagtukod og drainage, pagrehabilitar sa motorpool, pagpamalit og solid waste container, pagtukod og reading center ug daghan pang uban nga gilatanwng maghatag kalamboan sa barangay.

Ang resolusyon nga gipalabang sa konseho alang sa maong katuyuan gipaluyuhan sa komite sa barangay affairs ni Konsehal Yan Lam Lim ug komite sa pamalaod ug reglamento ubos ni Konsehal Ian Mark Nacaya.

Comments


bottom of page