Bebot padayong nag-alagad sa katawhan

PADAYON ang pagsebisyo ni konsehal Jocelyn “Bebot” Rodriguez ngadto sa katawhan dili lang sa mga molopyo dinhi sa syudad.

Usa na niini ang amahan ni Marife Corral nga nanerbisyo dinhi sa dakbayan ug nanimuyo uban sa iyang agalon diha sa barangay Camaman-an sulod sa 20 ka tuig ug nahimulag usab sa iyang pamilya.

Dako kaayo ang pagpasalamat sa iyang anak nga si Marife Corral uban sa iyang pamilya nga nanimuyo sa kaulohan sa hilabihan ka dako nga pagtabang ni konsehal Bebot nga madala ang patayng lawas sa ilang amahan balik sa ilang pinuy-anan.

Mahinumdoman nga niining panahon sa pandemya lisod kaayo ang pagbyahe tungod sa mga health protocols apan sa pagtabang ug paggiya sa ilang buhaton nasulbad ang maong problema.

Sa pamahayag ni konsehal Rodriguez nga siya sa kanunay andam moserbisyo ug mangita sa pamaagi nga matabangan ang tanan nga nagkinahanglan sa iyang serbisyo somala osab sa iyang gipanumpaan ngadto sa katawhan.

Dugang pa, nagpasalamat ang konsehal ngadto sa tanang ahensya sa kagamhanan ug sa Cebu Pacific Airlines nga misuporta alang sa kasulbaran sa maong problema. (SP/APDelgra)