top of page

Bebot mihangyo dili una magsugod operasyon sa mga sabongan

HUGOT ang panawagan ni konsehal Bebot Rodriguez nga dili una magsugod sa operasyon ang mga sabongan dinhi sa dakbayan.


Kini ang gihangyo sa konsehal sa milabayng sesyon sa konseho human gituki ang aplikasyon alang sa prankisa sa Indahag Square Garden, usa ka sabongan, dinha sa barangay Indahag.

Matod sa konsehal nga obligasyon sa matag usa ilabina niining panahon sa pandemya nga malikayan ang pagkaylap sa Covid 19.


Dako ang iyang kahingawa nga kun mahatagan sa prankisa ang maong sabongan magsugod na ang operasyon niini.


Dili pa panahon maski og renewal lang ang ihatag sa konseho tungod kay kanus-a man kini magsugod sa pag-operate, pangutana ni Rodriguez.

Hinuon, si konsehal Roger Abaday, chairman sa komite sa games and amusement, mipasalig nga ang paghatag sa prankisa wala magpasabot nga magsugod na ang operasyon sa maong sabongan. (SP)

Comentarios


bottom of page