Barangay nga makatabang ma-improbar koleksyon sa basura hatagan sa insentibo

NAGTUO si Konsehal Eric Salcedo, chairman sa komite sa environment, nga dako og makatabang aron ma-improbar ang pagkolekta sa mga basura sa syudad kon hatagan sa insentibo ang kabarangayan.

Kini human gituki atol sa tigom sa  komite ang sugyot pag-revisit sa ordinansa kabahin sa City Solid Waste Management sa tuyo nga strikto ug hingpit kining ipatuman.

Sumala ni Salcedo nga nakita niyang maningkamot ang mga opisyal sa kabarangayan sa pagpatuman sa maong balaod  kon adunay insentibo nga mahatag kanila nga maoy maggamit nga suholan alang sa ilang mga kawani nga gitahasan alang sa maong matang sa programa.

Niini giduso ni konsehal Eric Salcedo ang maong sugyot sa opisina sa City Local Environment and Natural Resources ug uban pang buhatan sa goberno lokal alang sa dugang pagtuon ug rekomendasyon. (MLR/SP)