Bantay Presyo program suportado ni Goking

SUPORTADO ni Konsehal George Christopher Goking, chairman sa committee sa trade and commerce, ang gisugyot nga Bantay Presyo Program ubos sa pagdumala sa buhatan sa City Agriculture Productivity.

Kini ang gibutyag sa konsehal atol sa miaging programa “Ang Inyong Konseho Karon”.

Tumong sa maong programa nga ma-imbentaryo ang mga  produkto  gikan sa lokal nga mga mag-uuma sa siyudad kay diha sa pag-imbentaryo mahibaw-an unsa kadaghan ang produkto o ang panginahanglan sa suplay.

Matod ni Goking nga daghang produkto sa siyudad nga gipamalit sa ubang lugar ug daghan usab ang mangompra sa binulto diha sa Bulua landing area tungod kay wala mahibalo nga daghan diay pud produkto ang atong mga local farmers.

Mao ni ang nakita nga problema nga mangadaot nalang ug ilabay sa kadaplinan ang abot sa local farmers kay sa ibalik sa bukid nga mahal ang ilang pag-transport.

Naglaum si Konsehal Goking uban sa suporta ni Mayor Klarex Uy nga mapatuman kini nga programa dinhi sa siyudad. (RNQ/SP)