top of page

Balor P18M nga annual budget sa Puerto mapatuman na


Hingpit nang mapatuman sa Barangay Puerto ang ilang mga programa ug proyekto karong tuiga.

Kini human ang konseho sa sesyon niadtong Lunes nga gidumala ni Konsehal Edgar S. Cabanlas misagop sa resolusyon nga nag-uli sa ordinansa sa barangay diin nasukip ang ilang 2022 Annual Budget balor P18.066 milyones alang sa pagpatuman.

Tipik sa gipunduhan sa maong budget ang pag-instalar og suga sa kadalanan, paghinlo sa mga kanal ug pagpalit og ambulansya nga magamit panahon sa emerhensya.

Dugang niini, gigahinan usab sa barangay og igong kantidad ang mga lakang alang sa Covid Response, pagpalit og kagamitan panahon sa kalamidad ug uban pang mga programa nga gilantawng maghatag sa dugang kaarangan sa serbisyo ngadto sa ilang ginsakopan.

Ang resolusyon nga gisagop sa konseho alang sa maong katuyuan gipaluyuhan sa komite sa barangay affairs ni Konsehal Yan Lam Lim ug komite sa pamalaod ni Konsehal Ian Mark Nacaya.

Comments


bottom of page