Bag-ong traffic scheme sa Bugo tun-an sa Kom. sa Barangay Affairs

GILANTAW sa Konseho sa Barangay Bugo nga masiguro ang kaluwasan, pagmentinar sa kalinaw ug kahusay ug pagpreserbar sa kaharuhay ug kasayon sa ilang mga lumulupyo.

Kini human mipalabang ang maong barangay og usa ka ordinansa alang sa pagpatuman sa one-way in and out traffic scheme pagka alas 10 sa gabii sa entrance ug exit points sa barangay.

Sa maong ordinansa nakalatid nga adunay check point nga ibutang sa mga major barangay road nga dumalahon sa police station 6 ug sa barangay tanod, awtorisado nga mga personahe alang sa pagpatuman ug pagpahamtang og multa sa makasupak niini.

 Ang maong ordinansa giduso ni Bise Mayor Bebot Rodriguez ngadto sa komite sa barangay affairs ni Konsehal Yan Lam Lim alang sa dugang pagtuon og rekomendasyon. (RNQuiblat/SP/Photo by KATAWA CDO DOODZKIE)