Bag-ong garbage collector sa syudad adunay kapasidad -Salcedo

SI Konsehal Eric Salcedo, chairman sa komite sa environment, namahayag nga ang kompanya nga Standard System nga maoy bag-ong contractor sa waste collection sa syudad adunay igong kapasidad ug kasinatian bahin sa pagkolekta sa basura sa kabarangayan.

Sumala ni Salcedo nga gisusi pag-ayo sa technical working group ang gikinahanglang dokumento nga gisumite sa maong kompanya ug nasuta nga nahisubay kini sa balaod sa syudad.

Siya midugang nga naggamit kini og mga brand-new dump trucks ug naka-hire sa mga suweto nga drivers nga taga Cagayan de Oro mismo.

Gani ang ubang mga driver nagtrabaho kaniadto sa IPM human kini gi-hire sa Tencil ug karon anaa na sa Standard System, sumpay sa Konsehal.

Niini, malaumon si Konsehal Salcedo nga sa pagsugod sa maong operasyon pagkolekta sa basura, hayan mapagaan na ang problema sa pagkolekta sa basura sa dakbayan. (MLR/SP)