Annual Budget sa SK sa duha ka barangay konsiderahon sa komite sa Sports

KONSIDERAHON sa komite sa Sports and Youth Development ni Konsehal John Michael Seno ang gidusong annual budget alang sa Sangguniang Kabataan (SK) sa Barangay 21 ug Canitoan, ning syudad.

Segun sa RA 10742 kon Sangguniang Kabataan Reform Act of 2015 gimando nga kinahanglan ang matag barangay mogahin ug 10% gikan sa ilang general fund aron gamiton pagpatuman sa mga programa ug proyekto alang sa kabatan-onan kinsa adunay mahinungdanong papel diha sa komunidad.

Si konsehal Seno mibutyag nga pinaagi sa pakiglambigit sa mga kabatan-onan sa mga kalihokan nga giandam alang kanila hayan daghan ang ilang makat-onan aron mahimong lideres sa umaabot nga panahon.

Niini, si Konsehal Seno gipaabot mopatawag og tigom aron hisgutan ang gisumeting budget sa duha ka barangay ug midapit sa kadagkoan sa mga hintungdang departamento sa City Hall ingon man mga opisyal sa duha ka barangay pagtambong sa maong tigom.