Annual Budget sa SK sa Brgy. Taglimao tukion sa komite sa Sports

TUKION sa komite sa Sports and Youth Development ni Konsehal John Michael Seno ang gidusong annual budget alang sa Sangguniang Kabataan (SK) sa Barangay Taglimao, ning syudad.

Segun sa RA 10742 kon Sangguniang Kabataan Reform Act of 2015 gimando nga kinahanglan ang matag barangay mogahin ug 10% gikan sa ilang general fund aron gamiton pagpatuman sa mga programa ug proyekto alang sa kabatan-onan.

Si Konsehal Seno mibutyag nga pinaagi sa pakiglambigit sa mga kabatan-onan sa mga kalihokan nga giandam alang kanila hayan mahimo silang maayong maligdong nga lideres sa umaabot nga panahon.

Niini, ang komite ni Konsehal Seno gipaabot nga mopatawag og tigom aron hisgutan ang gisumeting budget sa Barangay Taglimao ug midapit sa kadagkoan sa mga hintungdang departamento sa city hall ingon man mga opisyal sa maong barangay sa pagtambong sa maong tigom.