Annual budget sa Barangay 25 SK suportado sa Konseho

SA kanunay suportado sa Konseho sa Syudad ubos ni Bise Mayor Bebot Rodriguez ang mga programa ug proyekto sa Sangguniang Kabataan sa dakbayan.

Sa sesyon niadtong Lunes, hiniusang gisagop sa konseho ang resolusyon nga nag-uli sa Resolution No. 002-2025 sa SK sa Barangay 25 nga may kalabutan sa ilang Annual Budget nga mokabat sa P455,382 gikan sa bulan sa Enero ngadto sa Disyembre ning tuiga, alang sa hingpit nga implementasyon.

Nasayran nga gawas sa kasarangang mga programa alang sa paugnat sa kusog, gihatagan usab nila og prioridad ang mga programa   sa edukasyon, panglawas, economic empowerment, active citizenship, environment ug uban pa nga  dako kaayo og ikalambo sa kabatan-onan sa ilang dapit.

Si Konsehal Kenneth John Sacala, City SK Federation president ug chairman sa youth and sports development, mipasabot  nga  suportado niya ang maong lakang tungod kay dako kini og ikatabang sa kalamboan sa serbisyo nga matanyag  sa kabatan-onan sa nahisgotang barangay.

Ang resolusyon nga gipalabang sa konseho alang sa maong katuyoan gipaluyohan sa komite sa youth ug komite sa pamalaod ug reglamento ubos ni Konsehal Edgar Cabanlas. (JRG/SP)