Annual budget sa Barangay 1 SK giuyonan sa konseho
- The Gavel
- 3 days ago
- 1 min read
MAGPADAYON ang serbisyo sa Sangguniang Kabataan sa Barangay 1 ning syudad.
Kini human ang Konseho sa sesyon kagahapon nga gidumala ni Bise Mayor Bebot Rodriguez hiniusang misagop sa resolusyon nga nag-uli sa Resolution sa maong barangay nga may kalabutan sa ilang SK Annual Budget nga mokabat sa P460,720 gikan sa bulan sa Enero ngadto sa Disyembre ning tuig.
Tipik sa gipundohan sa SK ang programa sa panglawas, kinaiyahan, edukasyon, peace building and security, social inclusion and equality, global mobility ug uban pang programa alang sa kabatan-onan.
Ang maong lakang hugot nga gisuportahan ni Konsehal Kenneth John Sacala human kini miagi sa makuting pagtuon ug deliberasyon sa mga hintungdang komite sa Konseho ug nasuta nga mahimong ipatuman sa labing dali nga panahon.
Ang resolusyon nga gipalabang sa konseho alang sa maong katuyoan gipaluyohan sa komite sa youth and sports development ubos ni Konsehal Sacala ug komite sa pamalaod ug reglamento ubos ni Konsehal Edgar Cabanlas. (Text and photo by JRG/SP)
Comments