Akreditasyon sa KM-8 IPDLAI, giaprobahan sa Konseho

Gi-akredit isip sa sakop sa Local Special Bodies sa kagamhanan sa syudad ang KM-8 Indigenous People Developing Livelihood Association, Inc.

Kini human ang Konseho, sa sesyon niadtong Lunes nga gidumala ni Bise Mayor Bebot Rodriguez, misagop  og resolusyon alang sa maong katuyuan  pinasubay  sa  Department of Interior Local Government Circular no. 2022-083 ug Artikulo No.  64, Rule XIII sa Rules and Regulations sa 1991 Local Government Code.

Isip akreditadong asosasyon, ang kapunungan mahimong mahatagan og pundo gikan sa kagamhanan ug ubang ahensya sa gobyerno aron magamit pag-implementar sa ilang mga  programa nga gilantawng maghatag kaarangan sa ilang mga membro.

Ang resolusyon nga gisagop sa konseho alang sa maong katuyuan gipaluyohan sa Komite sa Planning and Research ni Konsehal Ian Mark Nacaya ug Komite sa Pamalaod ug Reglamento ubos ni Konsehal Edgar Cabanlas.