top of page

ABYIP sa Brgy. 37 konsiderahon sa komite ni Seno

GIPAABOT tukion sa komite sa Sports and Youth Development ni Konsehal John Michael Seno ang gisumeteng unom ka tuig nga Comprehensive Barangay Youth Development Plan (CBYDP) alang sa tuig 2020-2025 ug ang Annual Barangay Youth Development Investment Program (ABYIP) sa Sangguniang Kabataan (SK) sa Barangay 37, ning syudad.

Kini subay sa RA10742 kon Sangguniang Kabataan (SK) Reform Act of 2015 sa tinguha nga magahinan sa tukmang pundo ang sektor sa kabatan-onan kay aduna silay dakong papel diha sa komunidad.

Lakip tukion sa komite ang SK Annual Budget sa Barangay Dansolihon nga adunay gibana-gibanang galastosan nga mobalor og P725, 967 alang sa pagpatuman sa ilang mga programa og proyekto karong tuiga.

Nasayran nga ang tanang lakang miagi sa makuting pagsusi ug deliberasyon sa buhatan sa City Planning Development Office (CPDO), Oro Youth Development Council uban sa mga hintundang buhatan sa City Hall sa kasegurohan nahiuyon sa balaod.

Niini, si Seno, manghinaut nga makatambong ang mga opisyal sa nahisgutang barangay sa umaabot nga tigom alang sa tukmang aksyon og rekomendasyon.


Kommentare


bottom of page