Abaday suportado pag-omento sa benepisyo sa Tanod, Lupon

SUPORTADO ni Konsehal Roger Abaday, chairman sa komite sa public order and safety, ang paghatag og dugang  omento sa benepisyo gikan  sa kagamhanang lokal sa mga barangay tanod ug lupong tagapamayapa sa kabarangayan, gikan sa tag-1,000 ngadto sa P2,000.

Kini human hiniusang giuyonan atol sa tigom sa komite ang maong sugyot sa tuyo nga makadugang ug makatabang sa panudlanan ug panginahanglan sa mga barangay tanod agig pag-ila ug paghatag dignidad sa ilang tahas nga maoy magbalantay aron mapatuman ang kahusay ug kalinaw sa matag barangay.

Lakip sa benepisyo nga matunol subay sa maong balaod ang paghatag og libreng  legal assistance, scholarship alang sa ilang mga anak, health benefits, retirement benefits alang niadtong mga barangay tanod nga milapas sa napulo (10) ka tuig ang ilang pagserbisyo ug uban pang mga benepisyo nga maghatag kaarangan sa ilang kinabuhi.

Nunot niini, giduso sa komite ang maong sugyot ngadto sa Local Finance Committee alang sa pinal nga deliberasyon. (MLR/SP)