Abaday motuon sa hangyo sa Lumbia Sports Arena

KONSIDERAHON sa komite sa games and amusement ni Konsehal Roger Abaday ang sulat hangyo sa tigdumala sa Lumbia Octagon Sports Arena nga mahatagan og special permit sa ilang duha ka adlaw nga 3 wins sa umaabot September 21-22, ning tuig nunot sa kasaulogan sa umaabot nga Araw ng Lumbia.

Malaumon si Abaday nga ang mga tigdumala sa arena kanunay nga magtamod ug masunod sa gisitar nga minimum health protocols sa Inter Agency Task Force (IATF) ug sa buhatan sa mayor panahon sa ilang operasyon taliwala nga gikonsidera na ang syudad nga anaa sa Low Risk status tungod sa pag-ubos sa kaso sa Covid-19.

Nunot niini, mipahimangnu si Abaday sa mga tigdumala nga dili magpanuko ang gobyerno lokal pagkansela sa permit kun masuta nga adunay mga kalapasan nga mahimo ug mga patakaran nga dili masunod.