Abaday mopahigayon og pagsusi sa CDO River dihas Dansolihon

SI Konsehal Roger Abaday, chairman sa komite sa environment and natural resources, manguna sa ipahigayong inspeksyon karong alas 8:00 sa buntag, Septembre 14 ning tuig diha sa Cagayan de Oro River sa Barangay Dansolihon.

Kini kalabot na sa sulat ni PCol. Roque Marban, CSAG, permittee sa quarry, nga naghangyong masusi ang dapit tungod sa giingong reklamo nga gipaabot sa mga White Water Rafting Outfitters hinungdan nga wala siya mahatagi og tourism clearance.

Gipaabot mokuyog sa maong pagsusi sila si Konsehal John Michael Seno, Maria Lourdes Gaane, Romeo Calizo, Yan Lam S. Lim, Ian Mark Nacaya, James Judith II ug Bise Mayor Jocelyn Rodriguez.