Abaday misuporta sa Clean Up Drive sa Biernes

Hugot nga gisuportahan ni Konsehal Roger Abaday, chairman sa komite sa environment, ang ipahigayon nga Clean Up Drive sa umaabot Mayo 26, ning tuig.

Kini nunot sa Memorandum No.0554-23 nga giluwatan ni City Administrator Atty. Roy Hilario Raagas nga nagmugna ug nagmando sa pagpahigayon sa “Klarex nga Kalimpyo sa Kadalanan ug Tugkaran -City Wide Clean Up Drive”.

Sa maong memorandum, gimanduan ang tanang hepe sa lain laing departamento sa City Hall pagpadala og tag-10 ka empleyado aron mosalmot sa maong binulan nga kalihukan.

Malaumon si Abaday nga dako kaayo kini og ikatabang sa pagmintinar sa hingpit nga kalimpyo sa tibook dakbayan ilabina diha sa pagkonserbar sa kinaiyahan.