Abaday misuporta sa bag-ong pamuno-an sa Oro BFP

DAKO ang pagsalig ni Konsehal Roger Abaday, chairman sa komite sa senior citizens, nga adunay igong kapas sa operasyon nga magdumala sa Cagayan de Oro Fire Department ang bag-ong Fire District Director nga si Chief Insp. Roel Gamo Bacasnot.

Kini human mibisita sa konseho sa syudad atol sa sesyon niadtong Lunes nga gidumala ni Bise Mayor Kikang Uy ang bag-ong milingkod nga city fire director sa syudad.

Gisugyot ni Abaday kang Bacasnot sa pagduso sa ilang mga kinahanglanon sa buhatan nga gilantawng makatunol sa kaarangan sa ilang mga stratehiya sa operasyon lakip ang pag-upgrade sa ilang mga ekipo.

Naghangyo usab si Abaday sa director nga malakip sa ilang pagserbisyo sa komunidad ang paghatod sa tubig ngadto sa nanginahanlang mga barangay ilabina kay nasinate karon sa pipila ka mga barangay ang hinay sa supply sa tubig.