top of page

Abaday misugyot pagpahigayon og dialogo aron masolosyonan mulo sa taga-Apovel


Sa tinguha nga masolosyonan ang hangyo sa mga molopyo sa Apovel Subdivision sa Barangay Bulua, si Konsehal Roger Abaday, atol sa tigom sa Komite sa Public Works, misugyot sa pagpahigayon og dialogo tali sa mga nanimuyo sa dapit ug City Engineer’s Office.


Kini human nasayran atol sa milabay’ng tigom sa komite nga walay gipahigayon nga public consultation ang gihimong proyekto sa kagamhanang lokal sa dapit. Matod sa konsehal nga makita ang kakulangon ug mapangitaan sa tukmang solosyon kun adunay panagsabot.


Siya midugang nga dali usab nga masulbad ang mulo tungod kay walay pagsupak ang kapunungan sa proyekto sa syudad. Gani, dako ang ilang pagpasalamat niini apan gusto lang nila mapaabot ang ilang mga hangyo sama sa pagmintinar sa kahusay ug kalinaw, pagkolekta sa basura ug uban pa. Nasayran nga gitukod sa gobyerno lokal ang bag-o ug modernong tennis court sa dapit tipik sa mga proyekto sa administrasyon ni Mayor Klarex Uy.

Commentaires


bottom of page