top of page

Abaday misugyot mapatuman saktong regulasyon sa quarry operations

GISUGYOT ni Konsehal Roger Abaday, Chairman sa Komite sa Environment, ang pagpahigayon og imbestigasyon sa giingong paglapas sa pipila ka mga quarry operators sa syudad nga nakaapekto sa operasyon sa river rafting nga nailang tourist destination sa syudad.


Kini ang reaksyon ni Abaday sa special report ni Konsehal Ian Mark Nacaya nga nanawagan sa pagdeklara sa river rafting isip tourist destination sa syudad.

Sumala ni Abaday nga angayang sutaon pag-ayo ang giingong padayong quarry operations dinha sa Cagayan de Oro River aron mapangitaan sa pamaagi nga ma-regulate ang operasyon niini. Iyang gidugang nga angayang timbang-timbangon sa gobyerno ang isyu tungod kay gikinahanglan man usab ang quarry operation kay dako og ikatabang sa ekonomiya samtang gitinguha usab ang pagpalambo sa turismo pinaagi sa river rafting.


Niini, si Abaday naglaraw pagpahigayon og laing hugna sa ocular inspection uban sa buhatan sa CLENRO ug Tourism and Cultural Affairs.


Σχόλια


bottom of page